1 O maior problema é a escaseza de poboación. Temos un concello moi amplo, de 136 kilómetros cadrados, e a gran dispersión xeográfica fai que os servizos sexan difíciles de atender.

2 O primeiro esforzo ten que ir encamiñado a fixar poboación. O proxecto do parque empresarial e o do centro de día son elementos que se teñen que ter en conta para crear emprego e dar servizo aos maiores.

3 Ser un concello próximo a Pontevedra é unha vantaxe pero tamén un inconvinte. Hai que facer un esforzo de comunicación cos veciños para crear a necesidade de estar empadronados e xerar servizos para facer de Cotobade un concello atractivo para vivir. Hai que facer unha campaña específica.

4 Si. Hai determinados servizos que, pese a amplitude e a dispersión da poboación, terían que mancomunarse con concellos próximos como Forcarei ou A Lama. A recollida do lixo ou o tratamento dos residuos poderían ser dous deles.

5 É difícil dicir agora cal pode ser o resultado o día 22. Creo que esa circunstancia non se vai dar porque é improbable que se repitan os resultados do 2007, polo tanto a reedición do pacto de goberno co BNG non sería necesaria.

6 Cotobade é un dos concellos con máis recursos naturais e patrimoniais. Hai que apostar pola súa posta en valor e potenciar o turismo rural e as ribeiras dos ríos, ademais do patrimonio arqueolóxico e patrimonial como cruceiros ou petos de ánimas. Todo iso ten que ir acompañado dun esforzo de promoción. Xa se teñen dado pasos nesta liña coa recuperación da feira de Cuspedriños e o impulso a varias festas gastronómicas. Desde o punto de vista cultural Cotobade xa está hoxe no mapa da comarca.

Manoel Loureiro Adán dixo onte que ten asumida a derrota electoral do domingo. Desde o seu despacho, o alcalde en funcións admitiu que o resultado foi unha sorpresa, pero quixo dar normalidade ao relevo. Este funcionario da Consellería de Pesca levaba ao fronte do Concello de Cotobade desde o 2003, cando conseguiu facerse cun municipio bastión dos conservadores.

-¿Como está trala derrota?

-Estou ben. Hai que afrontalo con naturalidade. Os cidadáns revalidan ou relevan aos gobernos e neste caso déronme o relevo. Non hai nada que obxectar e o teño asumido.

-¿O resultado foi unha sorpresa?

-Si foi unha sorpresa. Nós aguantamos electoralmente con menos participación e perdimos 41 votos. O BNG non sacou un bo resultado. Aínda é aventurado dicir a onde foron eses votos. Non analizamos nada aínda, hai que ter tranquilidade porque está todo o peixe vendido.

-¿Como secretario xeral do PSOE ten pensado tomar algunha medida?

-Supoño que será a asamblea a que decidirá. Perdimos as eleccións, é un mal resultado e perdimos o goberno.

-¿Influiu negativamente a fichaxe de Lina Garrido?

-Penso que non tivo que ver. A xente votou en clave nacional.

-¿Vese na oposición os vindeiros catro anos?

-Non reflexionei sobre ese asunto. De momento vou tomar posesión como concelleiro da corporación. Un preséntase a unhas eleccións para gañalas. Parecía que as cousas indicaban que ía ser así, e non foi, por iso estou doído. Desde o punto de vista persoal cubrín unha etapa de oito anos e a vida segue exactamente igual. O meu compromiso cos veciños é ata o último día.

-¿Recibiu vaciles pola idade de Cubela, o seu sustituto?

-Non. A xente é moi respetuosa comigo.

Municipales 2011

Fuente:  La Voz de Galicia – Fecha de publicación: 25/05/2011